#part 1
“juk kelalak ni jahik”
Adupai guwai mu da’a
Kenyanyang kenyinying mak ketantuan
Hahahihi dija dudi
Tunggak tedoh makdok semumpuiyan ni
Mak ngedok sai sekenaan
Makpengrasamu kintu niku sai paling hibat paling calak
Bademu gawoh sai benor
bademu gawoh sai haga tidengiskon
Nihulun mak cok an sunyin
Pengrasamu sunyin ni hulun gering menok kerilohmu
Padehal tabik nicawa
Juk kelalak ni jahik kerilohmu no tanno
Mepanas daleh meridik kegatolan mak ketantuan
”Hantu kurang sedekah”
Mepanggus lain tetaguan
Tangeh kik aga ngimut rik salaman
Keriloh daleh kicik an mak begawoh
Juk hantu kurang sedekah
Ngehimbas dija dudi, mak sepandangan lagi
Ikin tilajukon guwai seno da’a
Mawat nambah pahala kintu nambah dusa
Jadi kicikan ni minak muwari
Uleh kehiroh mak ngedok helau ni lagi
Penyerapa reno muneh
Jawoh kik haga pengandan
Hurik dilambung bumi mak dapok repa hani ram
Sunyin ni makai cara
“kambas kudan”
Malang nasip mu badan
Jadi kambas kudan
Dipukuk kapan gayah
Renodo reramah ni manusia sa
Mak butengrasaan lagi
mak ingok di jasa penulung semekung ni
Kik lagi mesenang, lupa sapa sai nulung tulung selama ji
Lupa jama sai kuwawa nyansatkon badan
Giliran mesakik dilom kemawatan
Ampai ratong besepok ngilu pengatu
Mak nyaram man keriloh keriloh sai radu
Kidang payu do ya
Kik pak jadi kambas kudan
Kekalau nambah pahala
