“Dang Miwang Niku Ading”

Spread the love
577 Views

“Dang Miwang Niku Ading”

#part 2

“dulak dalik”

Dulak dalik mak ketantuan
Tunggak tedoh juk serom halom
Uyin ni cawa makdok sai dacok tisirokkon
Mak ngedok pendirian
Repa hani gawoh, mak miker kon sai bareh
Jelma juk reji mak dacok jadi tutukan
Nutuk harus ni way gawoh
nyelamatkon badan nenggalan

Payu dia da’ a
Dang tilajukon guwai seno
Mak mehalok didengis rik diliak hulun rumpok
Keriloh dang tisasani
Kik mawat ti ucakkon mawat
Kik wat tiucakkon wat
Ulih sai tipegung jak manusia ji cawani

“nyerau”

Lalawa nawokon bebai nyerau
Nyansai sesai hati
Unyin ni mak sekenaan
Sunyin ni di curigai sunyin ni mak kasi
Kuk luar mit tengrambah mak penyanani aga sekijok an jama sai bareh
Kindang induh muneh
Mani hurik dilom bumi ji, mak kik ngedok hasok kik mak bu apui
Reno kicikan ni sai tuha tuha tumbai

Kintu terima terima ria
Adu nasip mu da’a
Ngandankon bebai nyerau
Pubabang radu metuha
Sabar kon hatimu ria

“seluwang kebanjeran”

Tunggak tedoh juk seluwang jebanjeran
Mak ketantuan lagi mak pandai menempatkan diri
Hurik lom dunia ji mesti wat prinsip sai tipegung
In selamat dunia akhirat
Kindang kik haga repa iya juga sai bangik di hati
Jelas mak menjadi
Mani ram hurik ji
Mesti pujama, seandanan jama puwari indai kanca
Sekenyuwohan ulih hal hal sai mak mehalok
mak kintu manjak panjakko  jal ni hati
Dang tigeguwai keriloh juk reno da’a

Print Friendly, PDF & Email

Related posts